Sajarah Tahok
Mitra Javanologi, nyedhaki perayaan taun anyar Imlek mesthine ana pira-pira kuliner kas kang wajib mbok jajali kabeh. Panganan kaya kue kranjang, jeruk mandarin, iwak bandeng, dadi kuliner kang kondhang didadekake pasuguhan wektu taun anyar Imlek teka. Nanging, ana uga lho kuliner kas imlek kang kondhang ing kutha Solo kaya Tahok.
Tahok utawa kang kulina ditepang karo Kembang Tahu yaiku sawijining panganan kas kang ana ing kutha Solo. Wedhang iki biyasane dicawisake anget karo duduh jahe lan sari kedhele sing dipadetne banjur dijupuk kanthi berlapis nganggo sendok mligi.
Menawa kowe kabeh tilik menyang Pasar Gede, kowe kabeh wajib kanggo njajal Tahok saka pak Citro kang legendaris. Lokasine pener ana ing sisih kidul area pasar woh-wohan Pasar Gede (esuk-esuk) lan arep ngaleh menyang sisih kulon menawa pinuju awan dina. Tahok pak Citro wis lawas ditepang dening saperangan gedhe masarakat Solo raya nganti mudhun-temurun lho, mula ora arang menawa cepet entek diburu dening panuku.
Saliyane Tahok kang ana ing Solo, panganan anget duduhan jahe iki uga nduweni jeneng seje ing sawetara tlatah, kaya ing Surabaya wong nyebute Tauwa. Pasugatan Tauwa ing kono sathithik seje saka Tahok kang ana ing Solo, saliyane duduh jahe lan sari kedhele, Tauwa uga ditambah kacang lan bubur glepung kanji saengga nggawene sathithik luwih kentel. Banjur, ing Jawa kulon kuliner iki sinebut Kembang Tahu sawetara ing Jogjakarta jenenge Wedhang Taha.
